નમુત્થુણં અરિહંતાણં ભગવંતાણં ૧.

આઈગરાણં તિત્થયરાણં સયંસંબુદ્ધાણં, ૨.

પુરિસુત્તમાણં, પુરિસસિહાણં,
પુરિસ વર પુંડરિઆણં, પુરિસ વર-ગંધહત્થીણં ૩.

લોગુત્તમાણં, લોગનાહાણં, લોગહિયાણં,
લોગપઈવાણં, લોગપજજોઅગરાણં, ૪.

અભયદયાણં, ચક્ખુદયાણં, મગ્ગદયાણં,
સરણદયાણં, બોહિદયાણં, ૫.

ધમ્મદયાણં, ધમ્મદેસયાણં ધમ્મનાયગાણં ધમ્મસારહીણં,
ધમ્મવર ચાઉરંત – ચક્કવટ્ટીણં. ૬.

અપ્પડિહય વર – નાણ – દંસણધરાણં,
વિયટ્ટ – છઉમાણં, ૭.

જિણાણં જાવયાણં, તિન્નાણં તારયાણં,
બુદ્ધાણં બોહયાણં, મુત્તાણં મોઅગાણં ૮.

સવ્વન્નૂણં, સવ્વદરિસીણં સિવ – મયલ – મરૂઅ – મણંત-મક્ખય –
મવ્વાબાહ – મપુણરાવિત્તિ – સિદ્ધિગઈ –નામધેયં ઠાણં સંપત્તાણં,
નમો જિણાણં, જિયઅભયાણં. ૯.

જે અ અઈઆ સિદ્ધા, જે અ ભવિસ્સંતિણાગએ કાલે;
સંપઈ અ વટ્ટમાણા, સવ્વે તિવિહેણ વંદામિ ૧૦.