સોવનવાડી ફૂલડે છાઈ, છાબ ભરી હું લાવુંજી,
ફૂલજ લાવું ને હાર ગુંથાવું, પ્રભુજીને કંઠે સોહાવુંજી,
ઉપવાસ કરું તો ભૂખજ લાગે, ઉનું પાણી નવિ ભાવેજી,
આંબિલ કરૂં તો લુખું ન ભાવે, નીવી એ ડૂચા આવેજી.. (૧)

એકાસણું કરું તો ભૂખે ન રહી શકું, સુખે ખાઉં ત્રણ ટંકજી,
સામયિક કરૂં તો બેસી ન શકું, નિંદ્રા કરું સારી રાતજી,
દેરે જાઉં તો ખોટી થાઉં, ઘરનો ધંધો ચુકુજી,
દાન દઉં તો હાથજ ધ્રૂજે, હૈયે કંપારી છૂટેજી.. (૨)

જીવને જમડાનુ તેડું આવ્યું, સર્વ મેલીને ચાલોજી,
રહો રહો જમડાજી આજનો દહાડો, શત્રુંજે જઈને આવુજી,
શત્રુંજે જઈને દ્રવ્યજ ખર્ચુ, મોક્ષ માર્ગ હું માંગુજી,
ઘેલા જીવડા ઘેલું શું બોલે? આટલા દિવસ શું કીધુંજી.. (૩)

જાતે જે જીવે પાછળ ભાતું, શું શું આવે સાથેજી,
કાચી ફૂલેરને ખોખરી હાંડી, કાષ્ટના ભારા સાથેજી,
“જ્ઞાનવિમલ” ગુરૂ એણિ પેરે ભાખે, દ્યાવો અધ્યાતમ ધ્યાનજી,
ભાવ ભક્તિ શું જીનજીને પૂજો, સમકિત ને અજવાળોજી.. (૪)

सोवनवाडी फूलडे छाई, छाब भरी हुं लावुंजी,
फूलज लावुं ने हार गुंथावुं, प्रभुजीने कंठे सोहावुंजी,
उपवास करुं तो भूखज लागे, उनुं पाणी नवि भावेजी,
आंबिल करूं तो लुखुं न भावे, नीवी ए डूचा आवेजी.. (१)

एकासणुं करुं तो भूखे न रही शकुं, सुखे खाउं त्रण टंकजी,
सामयिक करूं तो बेसी न शकुं, निंद्रा करुं सारी रातजी,
देरे जाउं तो खोटी थाउं, घरनो धंधो चुकुजी,
दान दउं तो हाथज ध्रूजे, हैये कंपारी छूटेजी.. (२)

जीवने जमडानु तेडुं आव्युं, सर्व मेलीने चालोजी,
रहो रहो जमडाजी आजनो दहाडो, शत्रुंजे जईने आवुजी,
शत्रुंजे जईने द्रव्यज खर्चु, मोक्ष मार्ग हुं मांगुजी,
घेला जीवडा घेलुं शुं बोले? आटला दिवस शुं कीधुंजी.. (३)

जाते जे जीवे पाछळ भातुं, शुं शुं आवे साथेजी,
काची फूलेरने खोखरी हांडी, काष्टना भारा साथेजी,
“ज्ञानविमल” गुरू एणि पेरे भाखे, द्यावो अध्यातम ध्यानजी,
भाव भक्ति शुं जीनजीने पूजो, समकित ने अजवाळोजी.. (४)