વંદિત્તુ સવ્વસિદ્ધે, ધમ્માયરિએ અ સવ્વસાહૂ અ;
ઇચ્છામિ પડિક્કમિઉં, સાવગ-ધમ્મઈઆરસ્સ. ૧

જો મે વયાઈઆરો, નાણે તહ દંસણે ચરિત્તે અ;
સુહુમો અ બાયરો વા, તં નિંદે તં ચ ગરિહામિ. ૨

દુવિહે પરિગ્ગહંમિ, સાવજ્જે બહુવિહે અ આરંભે;
કારાવણે અ કરણે, પડિક્કમે રાઇઅં સવ્વં. ૩

જં બદ્ધ મિંદિએહિં, ચઉહિં કસાએહિં અપ્પસત્થેહિં;
રાગેણ વ દોસેણ વ, તં નિંદે તં ચ ગરિહામિ. ૪

આગમણે નિગ્ગમણે, ઠાણે ચંકમણે અણાભોગે,
અભિઓઘે અ નિઓગે, પડિક્કમે રાઇઅં સવ્વં. ૫

સંકા કંખ વિગિચ્છા, પસંસ તહ સંથવો કુલિંગીસુ;
સમ્મત્તસ્સ ઇઆરે, પડિક્કમે રાઇઅં સવ્વં. ૬

છક્કાય સમારંભે, પયણે આ પયાવણે અ જે દોસા;
અત્તટ્ઢા ય પરટ્ઠા, ઉભયટ્ઠા ચેવ તં નિદેં. ૭

પંચણ્હમણુવ્વયાણં, ગુણવ્વયાણં ચ તિણ્હમઇયારે;
સિક્ખાણં ચ ચઉણ્હં, પડિક્કમે રાઇઁઅં સવ્વ. ૮

પઢમે અણુવ્વયમ્મિ, થૂલગ-પાણાઇવાય-વિરઈઓ;
આયરિયમપ્પસત્થે, ઇત્થ પમાય-પ્પસંગેણં. ૯

વહ-બંધ-છવિચ્છેએ, અઈભારે ભત્ત-પાણ-વુચ્છેએ;
પઢમ-વયસ્સ-ઇઆરે, પડિક્કમે રાઈઅં સવ્વં. ૧૦

બીએ અણુવ્વયમ્મિ, પરિથૂલગ-અલિય-વયણ-વિરઈઓ;
આયરિયમ-પ્પસત્થે, ઇત્થ પમાય-પ્પસંગેણં. ૧૧

સહસા રહસ્સ દારે, મોસુવએસે અ કૂડલેહે અ;
બીય-વયસ્સ ઈઆરે, પડિક્કમે રાઇઅં સવ્વં. ૧૨

તઈએ અણુવ્વયમ્મિ, થૂલગ-પરદવ્વ-હરણ વિરઈઓ;
આયરિયમ-પ્પસત્થે, ઇત્થ પમાય-પ્પસંગેણં. ૧૩

તેનાહડ-પ્પઓગે, તપ્પડિરૂવે વિરુદ્ધ-ગમણે અ;
કૂડતુલ-કૂડમાણે, પડિક્કમે રાઈઅં સવ્વં. ૧૪

ચઉત્થે અણુવ્વયમ્મિ, નિચ્ચં પરદારગમણ-વિરઈઓ;
આયરિયમ-પ્પસત્થે, ઇત્થ પમાય-પ્પસંગેણં. ૧૫

અપરિગ્ગહિઆ ઇત્તર, -અણંગ-વિવાહ-તિવ્વ-અણુરાગે;
ચઉત્થ વયસ્સઇઆરે, પડિક્કમે રાઇઅં સવ્વં. ૧૬

ઇત્તો અણુવ્વએ પંચમમ્મિ, આયરિયમપ્પસત્થમ્મિ;
પરિમાણ પરિચ્છેએ, ઇત્થ પમાય-પ્પસંગેણં. ૧૭

ધણ-ધન્ન-ખિત્ત-વત્થૂ-રુપ્પ-સુવન્ને અ કુવિઅ-પરિમાણેઃ
દુપએ ચઉપ્પમ્મિ ય, પડિક્કમે રાઇઅં સવ્વ. ૧૮

ગમણસ્સ ય પરિમાણે, દિસાસુ ઉડંઢ અહે અ તિરિઅં ચ;
વુડ્ઢિ સઇ-અંતરદ્ધા, પઢમમ્મિ ગુણવ્વએ નિદેં. ૧૯

મજ્જંમિ અ, મંસંમિ અ, પુપ્ફે અ ફલે અ ગંધ મલ્લે અ;
ઉવભોગ-પરિભોગે, બીયમ્મિ ગુણવ્વએ નિદેં. ૨૦

સચ્ચિત્તે પડિબદ્ધે, અપોલિ-દુપ્પોલિઅં ચ આહેર;
તુચ્છોસહિ ભક્ખણયા, પડિક્કમે રાઇઁઅં સવ્વં. ૨૧

ઇંગાલી-વણ-સાડી, ભાડી ફોડી સુવજ્જએ કમ્મં;
વાણિજ્જં ચેવ દંત, -લક્ખ-રસ-કેસ-વિસ-વિસયં. ૨૨

એવું ખુ જંતપિલ્લણ, -કમ્મં નિલ્લંછણં ચ દવ-દાણં;
સર-દહ-તલાય-સોસં, અસઇ-પોસં ચ વજ્જિજ્જા. ૨૩

સત્થગ્ગિ-મુસલ-જંતગ, -તણ-કટ્ઠે-મંત-મૂલ-ભેસજ્જે;
દિન્ને દવાવિએ વા, પડિક્કમે રાઇઅં સવ્વં. ૨૪

ન્હાણુ-વ્વટ્ટણ-વન્નગ, વિલેવણે સદ્દ-રૂવ-રસ-ગંધે;
વત્થાસણ આભરણે, પડિક્કમે રાઇઅં સવ્વં. ૨૫

કંદપ્પે કુક્કુઇએ, મોહરિ અહિગરણ ભોગ અઇરિત્તે;
દંડમ્મિ અણટ્ઠાએ, તઇઅમ્મિ ગુણવ્વએ નિદેં. ૨૬

તિવિહે દુપ્પણિહાણે, અણવટ્ઠાણે તહા સઈ-વિહુણે;
સામાઇઅ વિતહ-કએ, પઢમે સિક્ખાવએ નિદેં. ૨૭

આણવણે પેસવણે, સદ્દે રૂવે અ પુગ્ગલક્ખેવે;
દેસાવગાસિઅમ્મિ, બીએ સિક્ખાવએ નિદેં. ૨૮

સંથારુચ્ચારવિહિ, પમાય તહ ચેવ ભોયણાભોએ;
પોસહવિહિ-વિવરીએ, તઈએ સિક્ખાવએ નિદેં. ૨૯

સચ્ચિત્તે નિક્ખિવણે, પિહિણે વવએસ મચ્છરે ચેવ;
કાલાઇક્કમદાણે, ચઉત્થે સિક્ખાવએ નિદેં. ૩૦

સુહિએસુ અ દુહિએસુ અ, જા મે અસ્સંજએસુ અણુકંપા;
રાગેણ વ દોસેણ વ, તં નિદેં તં ચ ગરિહામિ. ૩૧

સાહૂસુ સંવિભાગો, ન કઓ તવ-ચરણ-કરણ જુત્તેસુ;
સંતે ફાસુઅ-દાણે, તં નિંદે તં ચ ગરિહામિ. ૩૨

ઇહલોએ, પરલોએ, જીવિઅ-મરણે અ આસંસ-પઓગે;
પંચવિહો અઇયારો, મા મજઝ હુજ્જ મરણંતે. ૩૩

કાએણ કાઉઅસ્સ, પડિક્કમે વાઇઅસ્સ વાયાએ;
મણસા માણસિઅસ્સ, સવ્વસ્સ વયાઇઆરસ્સ. ૩૪

વંદણ-વય-સિક્ખા, -ગારવેસુ સન્ના-કસાય-દંડેસુ;
ગુત્તીસુ અ સમિઇસુ અ, જો અઈઆરો અ તં નિદેં. ૩૫

સમ્મદ્દિટ્ઠિ જીવો, જઈ વિ હુ પાવં સમાયરે કિંચિ;
અપ્પો સિ હોઇ બંધો, જેણ ન નિદ્ધંધસં કુણઇ. ૩૬

તંપિ હુ સપિડક્કમણં, સપ્પરિઆવં સઉત્તરગુણં ચ;
ખિપ્પં ઉવસામેઇ, વાવિવ્વ સુસિક્ખિઓ વિજ્જો. ૩૭

જહા વિસં કુટ્ઠ-ગયં, મંત-મૂલ-વિસારયા;
વિજ્જા હણંતિ મંતેહિ, તો તં હવઈ નિવ્વિસં. ૩૮

એવં અટ્ઠવિહં કમ્મં, રાગ-દોસ-સમજ્જિઅં;
આલોઅંતો અ નિંદંતો, ખિપ્પં હણઇ સુસાવઓ. ૩૯

કય-પાવો વિ મણુસ્સો, આલોઈઅ નિંદિઅ ગુરૂસગાસે;
હોઈ અઈરેગ-લહુઓ, ઓહરિઅ-ભરૂવ્વ ભારવહો. ૪૦

આવસ્સએણ એએણ, સાવઓ જઇવિ બહુરઓ હોઇ;
દુક્ખાણંત કિરિઅં, કાહી અચિરેણ કાલેણ. ૪૧

આલોયણા બહુવિહા, ન ય સંભરિઆ પડિક્કમણ-કાલે;
મૂલગુણ-ઉત્તરગુણે, તં નિંદે તં ચ ગરિહામિ. ૪૨

તસ્સ ધમ્મસ્સ કેવલિ-પન્નત્તસ્સ-
(પછી ઊભા થઈને અથવા જમણો પગ નીચે રાખીને નીચેની આઠ ગાથા બોલવી.)
અબ્ભુટ્ઠિઓ મિ આરાહણાએ; વિરઓ મિ વિરાહણાએ,
તિવિહેણ પડિક્કંતો, વંદામિ જિણે ચઉવ્વીસં. ૪૩

જાવંતિ ચેઈઆઇં, ઉડ્ઢે અ અહે અ તિરિઅલોએ અ;
સવ્વાઇં તાઇં વંદે, ઇહ સંતોત તત્થ સંતાઇ. ૪૪

જાવંત કે વિ સાહૂ, ભરહેરવય મહાવિદેહે અ;
સવ્વેસિં તેસિં પણઓ, તિવિહેણ તિદંડ વિરયાણં. ૪૫

ચિર સંચિય-પાવ-પણાસણીઇ, ભવ-સય-સહસ્સમહણીએ;
ચઉવીસ-જિણ-વિણિગ્ગય-કહાઈ, વોલંતુ મે દિઅહા. ૪૬

મમ મંલમરિહંતા, સિદ્ધા સાહૂ સુઅં ચ ધમ્મો અ;
સમ્મદ્દિટ્ઠી દેવા, દિંતુ સમાહિં ચ બોહિં ચ. ૪૭

પડિસિદ્ધાણં કરણે, કિચ્ચાણકરણે અ પડિક્કમણેં;
અસદ્દહણે અ તહા, વિવરીય-પરૂવણાએ અ. ૪૮

ખામેમિ સવ્વ જીવે, સવ્વે જીવા ખમંતુ મે;
મિત્તિ મે સવ્વભૂએસુ, વેરં મજ્ઝ ન કેણઇ. ૪૯

એવઅહં-આલોઇઅ, નિંદિઅ ગરહિઅ દુગંછિઅં સમ્મં;
તિવિહેણ પડિક્કંતો, વંદામિ જિણે ચઉવ્વીસં. ૫૦

वंदित्तु सव्वसिद्धे, धम्मायरिए अ सव्वसाहू अ;
इच्छामि पडिक्कमिउं, सावग-धम्मईआरस्स. १

जो मे वयाईआरो, नाणे तह दंसणे चरित्ते अ;
सुहुमो अ बायरो वा, तं निंदे तं च गरिहामि. २

दुविहे परिग्गहंमि, सावज्जे बहुविहे अ आरंभे;
कारावणे अ करणे, पडिक्कमे राइअं सव्वं. ३

जं बद्ध मिंदिएहिं, चउहिं कसाएहिं अप्पसत्थेहिं;
रागेण व दोसेण व, तं निंदे तं च गरिहामि. ४

आगमणे निग्गमणे, ठाणे चंकमणे अणाभोगे,
अभिओघे अ निओगे, पडिक्कमे राइअं सव्वं. ५

संका कंख विगिच्छा, पसंस तह संथवो कुलिंगीसु;
सम्मत्तस्स इआरे, पडिक्कमे राइअं सव्वं. ६

छक्काय समारंभे, पयणे आ पयावणे अ जे दोसा;
अत्तट्ढा य परट्ठा, उभयट्ठा चेव तं निदें. ७

पंचण्हमणुव्वयाणं, गुणव्वयाणं च तिण्हमइयारे;
सिक्खाणं च चउण्हं, पडिक्कमे राइँअं सव्व. ८

पढमे अणुव्वयम्मि, थूलग-पाणाइवाय-विरईओ;
आयरियमप्पसत्थे, इत्थ पमाय-प्पसंगेणं. ९

वह-बंध-छविच्छेए, अईभारे भत्त-पाण-वुच्छेए;
पढम-वयस्स-इआरे, पडिक्कमे राईअं सव्वं. १०

बीए अणुव्वयम्मि, परिथूलग-अलिय-वयण-विरईओ;
आयरियम-प्पसत्थे, इत्थ पमाय-प्पसंगेणं. ११

सहसा रहस्स दारे, मोसुवएसे अ कूडलेहे अ;
बीय-वयस्स ईआरे, पडिक्कमे राइअं सव्वं. १२

तईए अणुव्वयम्मि, थूलग-परदव्व-हरण विरईओ;
आयरियम-प्पसत्थे, इत्थ पमाय-प्पसंगेणं. १३

तेनाहड-प्पओगे, तप्पडिरूवे विरुद्ध-गमणे अ;
कूडतुल-कूडमाणे, पडिक्कमे राईअं सव्वं. १४

चउत्थे अणुव्वयम्मि, निच्चं परदारगमण-विरईओ;
आयरियम-प्पसत्थे, इत्थ पमाय-प्पसंगेणं. १५

अपरिग्गहिआ इत्तर, -अणंग-विवाह-तिव्व-अणुरागे;
चउत्थ वयस्सइआरे, पडिक्कमे राइअं सव्वं. १६

इत्तो अणुव्वए पंचमम्मि, आयरियमप्पसत्थम्मि;
परिमाण परिच्छेए, इत्थ पमाय-प्पसंगेणं. १७

धण-धन्न-खित्त-वत्थू-रुप्प-सुवन्ने अ कुविअ-परिमाणेः
दुपए चउप्पम्मि य, पडिक्कमे राइअं सव्व. १८

गमणस्स य परिमाणे, दिसासु उडंढ अहे अ तिरिअं च;
वुड्ढि सइ-अंतरद्धा, पढमम्मि गुणव्वए निदें. १९

मज्जंमि अ, मंसंमि अ, पुप्फे अ फले अ गंध मल्ले अ;
उवभोग-परिभोगे, बीयम्मि गुणव्वए निदें. २०

सच्चित्ते पडिबद्धे, अपोलि-दुप्पोलिअं च आहेर;
तुच्छोसहि भक्खणया, पडिक्कमे राइँअं सव्वं. २१

इंगाली-वण-साडी, भाडी फोडी सुवज्जए कम्मं;
वाणिज्जं चेव दंत, -लक्ख-रस-केस-विस-विसयं. २२

एवुं खु जंतपिल्लण, -कम्मं निल्लंछणं च दव-दाणं;
सर-दह-तलाय-सोसं, असइ-पोसं च वज्जिज्जा. २३

सत्थग्गि-मुसल-जंतग, -तण-कट्ठे-मंत-मूल-भेसज्जे;
दिन्ने दवाविए वा, पडिक्कमे राइअं सव्वं. २४

न्हाणु-व्वट्टण-वन्नग, विलेवणे सद्द-रूव-रस-गंधे;
वत्थासण आभरणे, पडिक्कमे राइअं सव्वं. २५

कंदप्पे कुक्कुइए, मोहरि अहिगरण भोग अइरित्ते;
दंडम्मि अणट्ठाए, तइअम्मि गुणव्वए निदें. २६

तिविहे दुप्पणिहाणे, अणवट्ठाणे तहा सई-विहुणे;
सामाइअ वितह-कए, पढमे सिक्खावए निदें. २७

आणवणे पेसवणे, सद्दे रूवे अ पुग्गलक्खेवे;
देसावगासिअम्मि, बीए सिक्खावए निदें. २८

संथारुच्चारविहि, पमाय तह चेव भोयणाभोए;
पोसहविहि-विवरीए, तईए सिक्खावए निदें. २९

सच्चित्ते निक्खिवणे, पिहिणे ववएस मच्छरे चेव;
कालाइक्कमदाणे, चउत्थे सिक्खावए निदें. ३०

सुहिएसु अ दुहिएसु अ, जा मे अस्संजएसु अणुकंपा;
रागेण व दोसेण व, तं निदें तं च गरिहामि. ३१

साहूसु संविभागो, न कओ तव-चरण-करण जुत्तेसु;
संते फासुअ-दाणे, तं निंदे तं च गरिहामि. ३२

इहलोए, परलोए, जीविअ-मरणे अ आसंस-पओगे;
पंचविहो अइयारो, मा मजझ हुज्ज मरणंते. ३३

काएण काउअस्स, पडिक्कमे वाइअस्स वायाए;
मणसा माणसिअस्स, सव्वस्स वयाइआरस्स. ३४

वंदण-वय-सिक्खा, -गारवेसु सन्ना-कसाय-दंडेसु;
गुत्तीसु अ समिइसु अ, जो अईआरो अ तं निदें. ३५

सम्मद्दिट्ठि जीवो, जई वि हु पावं समायरे किंचि;
अप्पो सि होइ बंधो, जेण न निद्धंधसं कुणइ. ३६

तंपि हु सपिडक्कमणं, सप्परिआवं सउत्तरगुणं च;
खिप्पं उवसामेइ, वाविव्व सुसिक्खिओ विज्जो. ३७

जहा विसं कुट्ठ-गयं, मंत-मूल-विसारया;
विज्जा हणंति मंतेहि, तो तं हवई निव्विसं. ३८

एवं अट्ठविहं कम्मं, राग-दोस-समज्जिअं;
आलोअंतो अ निंदंतो, खिप्पं हणइ सुसावओ. ३९

कय-पावो वि मणुस्सो, आलोईअ निंदिअ गुरूसगासे;
होई अईरेग-लहुओ, ओहरिअ-भरूव्व भारवहो. ४०

आवस्सएण एएण, सावओ जइवि बहुरओ होइ;
दुक्खाणंत किरिअं, काही अचिरेण कालेण. ४१

आलोयणा बहुविहा, न य संभरिआ पडिक्कमण-काले;
मूलगुण-उत्तरगुणे, तं निंदे तं च गरिहामि. ४२

तस्स धम्मस्स केवलि-पन्नत्तस्स-
(फिर खड़े हो जाएं या अपने दाहिने पैर को नीचे रखें और निम्नलिखित आठ गाथा का पाठ करें.)
अब्भुट्ठिओ मि आराहणाए; विरओ मि विराहणाए,
तिविहेण पडिक्कंतो, वंदामि जिणे चउव्वीसं. ४३

जावंति चेईआइं, उड्ढे अ अहे अ तिरिअलोए अ;
सव्वाइं ताइं वंदे, इह संतोत तत्थ संताइ. ४४

जावंत के वि साहू, भरहेरवय महाविदेहे अ;
सव्वेसिं तेसिं पणओ, तिविहेण तिदंड विरयाणं. ४५

चिर संचिय-पाव-पणासणीइ, भव-सय-सहस्समहणीए;
चउवीस-जिण-विणिग्गय-कहाई, वोलंतु मे दिअहा. ४६

मम मंलमरिहंता, सिद्धा साहू सुअं च धम्मो अ;
सम्मद्दिट्ठी देवा, दिंतु समाहिं च बोहिं च. ४७

पडिसिद्धाणं करणे, किच्चाणकरणे अ पडिक्कमणें;
असद्दहणे अ तहा, विवरीय-परूवणाए अ. ४८

खामेमि सव्व जीवे, सव्वे जीवा खमंतु मे;
मित्ति मे सव्वभूएसु, वेरं मज्झ न केणइ. ४९

एवअहं-आलोइअ, निंदिअ गरहिअ दुगंछिअं सम्मं;
तिविहेण पडिक्कंतो, वंदामि जिणे चउव्वीसं. ५०